Ни претставува особена чест и задоволство да ја најавиме деветтата по ред, Microsoft ВИЗИЈА - најголемата технолошка конференција што се одржува во Република Македонија, која традиционално ги обединува ИТ професионалците, програмерите и менаџерите на едно место.
Со големиот број на стручни предавања и присуството на еминентни домашни и странски предавачи, конференцијата ќе биде можност на едно место да се слушнат експерти од ИТ бизнисот, посетителите да се запознаат со најновите производи и долгорочни стратегии на Microsoft, како и да разменат мислења и знаење за најновите технологии.
Покрај измените и подобрувањата кои ги воведовме на самиот сајт (нова локација, нов портал и многу други работи) и оваа година фокусот ќе биде на најновите технологии кои се очекуваат на пазарот, како: Microsoft Office 2010, Windows 7, Office SharePoint 2010, Exchange 2010, Windows Server 2008 R2, SQL Server 2008 R2 и многу други. Сите тие нови производи се одлика на иновативноста на компанијата, нејзината определба за посигурна и поефикасна средина за работа, но и за единствено функционално опкружување за корисниците на нашите технологии и производи.
И оваа година ВИЗИЈА 9, останува како најважното место во Македонија за размена на технолошки информации, место на кое ќе можат да се разменуваат деловни идеи, конкретно знаење и јасни иновации, релевантни за сите учесници – деловни и ИТ ориентирани.
Microsoft ВИЗИЈА 9, ќе се одржи на 20 и 21 октомври, во хотел Александар Палас во Скопје.
Посетувајте нè редовно и дознајте повеќе за тоа што Ве очекува на оваа Microsoft ВИЗИЈА 9.
Prevucite ikonicu na taskbar da biste pinovali sajt, ili kliknite ovde da dodate sajt u Start Meni